Atyraýda medıtsına qaldyqtaryn qoqys tastaıtyn orynǵa órtegen kompanııaǵa is qozǵaldy

ATYRAÝ. QazAqparat – Atyraýda qoqys tastaıtyn orynǵa medıtsınalyq qaldyqtardy órtegenderge qatysty polıtsııa is qozǵady, dep habarlaıdy QazAqparat.

«Áleýmettik jelilerge monıtorıng jumystary barysynda Atyraý oblysy Ekologııa departamentiniń ókilderi medıtsınalyq qaldyqtardyń arnaıy orynda emes, qoqys tastaıtyn jerge órtelgendigin anyqtady. Erejege sáıkes, medıtsınalyq qaldyqtar arnaıy daıyndalǵan jerde ýtılızatsııalanýy kerek. Tekserý jumystary barysynda qaldyqtardy «AG Disinfection services» JShS-nyń ókilderi jaqqany anyqtaldy»-dep habarlady Ekologııa departamentiniń resmı ókili Aslan Jeńisuly.

Jınalǵan materıaldar protsessýaldyq sheshim qabyldaý úshin polıtsııa departamentine joldandy. Osy ýaqytta atalmysh jaǵdaı boıynsha is qozǵalyp, sotqa deıingi tergeý júrip jatyr.

Vıktor Sýtıagın