Atyraýda masanyń úsh túri qaptap ushyp júr
AG Disinfection Services JShS dırektorynyń orynbasary Nurlybek Ahmedııarovtyń málimetinshe, bıyl tenderdiń kesh ótýine baılanysty kóshelerde, saıabaqtarda dezınsektsııa jumysy mamyr aıynda bastalǵan.
«Biraq, sáýir aıynda Atyraý qalasynda 1 100-den astam kópqabatty úıdiń jertólesi men kireberisinde masaǵa qarsy ýlaý jumysy qolǵa alyndy. Dezınfektorlar kúnine 8 saǵattan artyq jumys isteıdi. Qazir preparattar jetkilikti, dezınsektsııalaýdy 10 brıgada quramyndaǵy 20 qyzmetker atqarady», - deıdi Nurlybek Ahmedııarov.
Epıdemıolog Gúlmıra Hodjıbekovanyń aıtýynsha, hımııalyq preparat adamdarǵa da, ósimdikterge de zııandy emes. Janýarlar da odan zardap shekpeıdi. Bul tek qan sorǵyshtardy joıýǵa arnalǵan. Búrký kezinde qoldanylatyn barlyq preparat memlekettik saraptamadan jáne synaqtan ótken.
«Qazir Atyraýda masanyń úsh túri bar. Birinshisi – Kaspıı teńiziniń jaǵasynda ushatyn Caspius aedes túrine jatatyn iri masa. Ekinshisi – Culex pipiens, úshinshisi – Ririepѕ pipiens masasy. Bul kúndelikti kezdesetin úı masalary tobyna jatady. Bul qansorǵyshtar hımıkattarǵa tez beıimdeledi. Sondyqtan, dári-dármekterdi jıi ózgertip, ýlaý jumysyn udaıy júrgizip kelemiz. Al, turǵyndardy ózderi turatyn meken-jaıda masaǵa qarsy ýlaý jumysy bastalǵany týraly eskertýge tyrysamyz», - deıdi Gúlmıra Hodjıbekova.
Eske sala ketelik, budan buryn Atyraýda masany ýlaýǵa 130 mln teńgege jýyq qarjy bólingenin habarlaǵan edik.