Atyraýda latyn qarpine kóshý máselesi talqylandy

ATYRAÝ. QazAqparat - H.Dosmuhamedov atyndaǵy Atyraý memlekettik ýnıversıtetinde Parlamentke usynylǵan latyn álipbıiniń jobasy týraly dóńgelek ústel ótti, dep habarlaıdy QazAqparat.

Latyn qarpine kóshý mańyzdy qadam ekeni aıtylǵan jıynǵa oblys ákiminiń orynbasary Álibek Náýtıev, basqarma basshylary men oqý ornynyń professor ǵalymdary men stýdent jastary qatysty.

«Biz parlamentte ótken talqylaý barysynda elimizde latyn qarpine kóshý jumystary 2006 jyldan bastalǵanyn bildik. Sodan bergi 11 jyl aralyǵynda ulttyq komıssııa qurylyp álipbıdiń 100 baǵyttaǵy nusqalar daıyndalǵan. Sonyń mańyzdy dep tanylǵan ekeýiniń biri ǵana parlamentke usynyldy. Memleket basshysy elimizde qabyldanatyn zań, reforma bolmasyn eń aldymen halyqtyń talqylaýynan ótýi tıistigin aıtty. Sondyqtan, latyn álipbıine kóshý máselesi de jan-jaqty talqylaýdan ótedi», - dedi oblys ákiminiń orynbasary.

 Onyń aıtýynsha, bul máseleniń orys tiline eshqandaı áseri bolmaıdy jáne ábden pisip-jetilip, oı talqydan ótkennen soń ǵana 2022-2025 jyldary mektepterden bastalyp engiziletin bolady.

 Basqosýda sóz sóılegen zııaly qaýym ókilderi, álipbıdiń jobasy týraly oı-pikirlerin ortaǵa saldy.