Atyraýda qyz uzatý qudalyq týǵan kún toılaý azaıar emes
Atyraý qalalyq ákimdigi baspasóz qyzmetiniń málimetinshe, monıtorıngtik toptar 13-19 tamyz aralyǵynda adam kóp jınalatyn 200-ge tarta meıramhanalar men ózge de nysandardy teksergen.
«Tekserý nátıjesinde «Aı-Jan», «Aısberg», «Aınash», «Bellagio Ballroom» meıramhanalary, «Orta», «Gadjı 2», «Sulo» kafeleri, «End ne stimz» loýndj bar, «SKY BAR» túngi klýby, «Meken» demalys orny, «Loto klýb», «Balajan» balalar oıyn saýyq ortalyǵy, Avangard-2 shaǵyndaǵy alkomarket pen S.Beıbarys kóshesindegi 99-úıde eskertýler elemeı, karantın talaptary buzylǵany anyqtaldy.
Bul nysandardyń keıbiri karantın shekteýlerin júıeli túrde buzyp keledi. Sondaı-aq, meıramhananyń artqy esiginen kirip, qyz uzatý, aýlaǵa toı jasaý, qudalyq ótkizý, as berý, týǵan kún toılaý sııaqty is-sharalar azaıar emes» -dep habarlady ákimdiktiń baspasóz qyzmeti.
Eske sala ketelik, budan buryn Atyraý oblysynda jyl basyna beri karantın talaby 620 márte buzylǵanyn jazǵan edik.