Atyraýda kúıik shalǵan 2 jasar bala aýrýhanaǵa jetkizildi
Atyraý oblystyq densaýlyq saqtaý basqarmasynyń basshysy Qaısar Abdalıevtyń aıtýynsha, jedel járdem stansasyna táýligine 700-ge jýyq shaqyrtý túsedi.
«Sársenbide, 16 tamyz kúni túngi saǵat 23:00-den bastap jedel járdem qyzmetkerlerimen birge shaqyrtýlarǵa shyqtym. Alǵashqy shaqyrtý Erkinqala aýyldyq okrýginen tústi. Kórsetilgen mekenjaıǵa 7 mınýt ishinde jettik. Patsıent alkagoldi ishimdik paıdalanǵany jáne joldasynan túrli dene jaraqattaryn alǵany anyqtaldy. Bastapqy ýaqytta patsıent 102 qyzmetkerleriniń kelýin talap etip, jádel járdem kómeginen bas tartqan bolatyn. Atalǵan jerge 5 mınýt ishinde 102 qyzmetkerleri kelip, mán-jáıdi anyqtady. Patsıent jedel járdem kóligimen oblystyq aýrýhananyń travmatologııa pýnkt bólimine jetkizildi. Ekinshi shaqyrtý «Vokzal mańy» shaǵyn aýdanynan tústi. Eki jasar balany kúıik shalǵany anyqtalyp, birden alǵashqy kómek kórsetildi. Oblystyq balalar aýrýhanasyna jetkizilgen balaǵa tıisti kómekter kórsetilip, emdeý ornyna jatqyzyldy», -dep habarlady Qaısar Abdalıev.
Onyń aıtýyna qaraǵanda, shaqyrtýlarǵa barǵan jedel járdem qyzmetkerleri ár túrli qıyndyqqa tap bolady. Jedel járdemdi negizsiz shaqyrtatyndar kóp.
«Adam densaýlyǵyn saqtaýda ár mınýt mańyzdy ekenin aıtqym keledi. Sol sebepten, jedel járdem qyzmetkerleriniń jumysyna túsinistikpen qaraýǵa shaqyramyn», -dep málim Qaısar Abdalıev.
Eske sala ketelik, budan buryn Atyraýda basqarma basshysy jedel járdem brıgadasymen shaqyrtýlarǵa barǵanyn jazǵan edik.