Atyraýda qusbegilerdiń respýblıkalyq chempıonaty ótip jatyr

ATYRAÝ. QazAqparat – Atyraýda qusbegilikten eresekter arasynda respýblıkalyq chempıonat ótip jatyr, dep habarlaıdy QazAqparat.

Atyraýda búgin, 24 aqpanda ulttyq sport túri – qusbegilikten eresekter arasyndaǵy XVI Qazaqstan chempıonaty bastaldy.

Oǵan elimizdiń 14 óńirinen 100-ge jýyq sportshy qatysatyny josparlanǵan. Saıys 3 túrli sporttyq qus – búrkit, qarshyǵa jáne ıtelgi arasynda ótedi.

Chempıonat Atyraý qalasynan 20 shaqyrymdaı qashyqtyqtaǵy Jańatalap aýylynyń mańynda ótip jatyr.

Búrkitshiler alǵashqy kúni 31 búrkitti synǵa saldy.

Bul kúni búrkitshiler arasynda búrkitti qolǵa qondyrý saıysy ótti.

Atalǵan saıystyń nátıjesinde qazylar 18 búrkitti kelesi aınalymǵa ótkizdi.

«Ózge óńirlerden ákelingen búrkitter jersinip úlgermegeni baıqalyp otyr. Sol sebepten, keıbir búrkitter ushpaı qaldy. Sondaı-aq, Jaıyq ózeninde jeldiń uıytqı soqqany da áserin tıgizdi. Keıbir búrkitter ıesine birden barmaı, saryshunaq, kepterlerge túsip jatty. Al erejege sáıkes tikeleı ıesiniń qolyna qonǵan búrkitke ǵana maksımaldy 10 upaı beriledi. Aýa raıynyń qolaısyzdyǵy eskergen tóreshiler alqasynyń kelisimimen 9 upaıdy enshilegen qatysýshylar da kelesi aınalymǵa ótkýzýge sheshim qabyldandy», -dep habarlady oblystyq sport basqarmasynyń baspasóz qyzmeti.

Búrkitshiler chempıonaty erteń, 25 aqpanda da jalǵasady.

Eske sala ketelik, buǵan deıin Atyraý oblysynda qusbegilikten Qazaqstan chempıonaty ótetini habarlanǵan edi.