Atyraýda qurylys materıaldary bar qoıma órtendi

ATYRAÝ. QazAqparat – Atyraýda qurylys materıaldary bar qoıma órtendi, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetinshe, órt búgin, saǵat 10:13 shamasynda M.Baımuhanov kóshesinde ornalasqan angar tıptes bir qabatty ǵımaratta tutanǵan.

«Jalpy aýdany 90 sharshy metr bolatyn qoımada qurylys materıaldary janǵan. Onyń ishinde steklovat, penoplast jáne basqa da qurylysqa paıdalanylatyn materıaldar bar» - dep málim etti oblystyq tótenshe jaǵdaılar departamentiniń baspasóz qyzmeti.

Jalyndy sóndirýge 29 órt sóndirýshi men 10 arnaıy tehnıka jumyldyryldy.

Eske sala ketelik, budan buryn Atyraý oblysynda bir qabatty ǵımarattaǵy sýpermarket pen ashana órtenip ketkenin jazǵan bolatynbyz.