Atyraýda qurǵaq shóptiń órtenýine traktordan shyqqan ushqyn sebep bolǵan

ATYRAÝ. QazAqparat – Atyraý qalasynyń mańynda qurǵaq shóptiń órtenýine traktordan shyqqan ot ushqyny sebep bolǵan, dep habarlaıdy QazAqparat.

Oblystyq tótenshe jaǵdaılar departamentiniń qoǵammen baılanys tobynan málim etkendeı, dala órti 26 tamyzda saǵat 16:54-te tutanǵan.

Órttiń saldarynan Atyraý qalasynyń mańyndaǵy «Týhlaıa balka» aýmaǵynda qurǵaq shóp janǵan. Belgili bolǵandaı, bul jerde qysqy mal azyǵyn daıyndap jatqan «Janbyrbaev» jeke kásipkerliginiń jumysshylary «MTZ-80» traktoryn ot aldyrmaq bolǵan. Sol kezde traktordan ot shyǵyp, qurǵaq shóptiń órtenýine ulasqan.

«Dala órti shamamen 200h400 metr bolatyn aýmaqty sharpydy. Jalyn jergilikti ýaqytpen saǵat saǵat 20:45-te oqshaýlanyp, saǵat 22:32-de sqndirildi. joıyldy. Órtti sóndirýge tótenshe jaǵdaılar departamentinen 5 qyzmetker, 1 tehnıka, «Semser «Órt sóndirýshi» mekemesinen 6 qyzmetker, 2 tehnıka, «NSS» JShS-dan 6 qyzmetker, 3 vakýým, 3 traktor, «Atyraý oblysy Sý arnasy» KMK-dan 1 qyzmetker, 1 vakýým, «Arnaýly Avtobaza» JShS-dan 1 qyzmetker, 1 sý shashatyn kólik tartyldy», -dep habarlady departamenttiń qoǵammen baılanys toby.

Eske sala ketelik, budan buryn Atyraýda shóp órtenip, aýada kómirtegi totyǵy shekti mólsherden asyp ketkenin jazǵan edik.

Oblystyq ekologııa departamentiniń baspasóz qyzmeti dala órtiniń aýa sapasyna áseri týraly aqparat taratty.

«Ekologııa departamentiniń mamandary qala aýmaǵynyń atmosferalyq aýasynan synamalar aldy. Synamalardy taldaý nátıjesiniń qorynydysymen aýada kómirtegi totyǵynyń ruqsat etilgen shekti shoǵyrlanýdan asqany anyqtaldy», -dep málim etti departamenttiń baspasóz qyzmeti.