Atyraýda qurbysyn 45 mln teńgege aldaǵan kúdikti ustaldy
Oblystyq polıtsııa departamenti baspasóz qyzmetiniń málimetinshe, oqıǵa keshe, 7 maýsymda bolǵan.
«Polıtsııaǵa aqsha aıyrbastaý pýnktinen shyqqan 1980 jylǵy áıeldiń 45 mln teńgesin tonady degen habar túsken. Osyǵan baılanysty krımınaldyq polıtsııa bóliminiń qyzmetkerleri shaǵymdanýshy urlyqty ózi uıymdastyrǵanyn anyqtady. Ustalǵan eki kúdikti onyń tanystary bolyp shyqty. Kúdiktiler óz áreketterin moıyndady», - dep habarlady departamenttiń baspasóz qyzmeti.
Urlanǵandy degen aqsha 32 jastaǵy kásipker áıelge tıesili bolǵan. Ol aqshany qurbysyna senip tapsyrǵan.
Qazir QR Qylmystyq kodeksiniń 190-babynyń 4-bóligimen tergeý amaldary júrgizilip jatyr.
Eske sala ketelik, buǵan deıin atyraýlyqtardy jumysqa ornalastyramyn dep aldaǵan alaıaq 3 jylǵa sottalǵanyn jazǵan bolatynbyz.
Sottalýshy A. jábirlenýshiler B. men Q.-ǵa WhatsArp jelisi arqyly sóılesip, olardyń jubaıyn jumysqa ornalastyratynyn aıtqan. Alaıda ózge adamdardy jumysqa ornalastyratyn múmkinshiligi bolmasa da, túrli sebeptermen birneshe ret qarajatty óz esepshotyna aýdartqan.
«Nátıjesinde sottalýshy A. jábirlenýshilerdiń árqaısysynan 107 myń jáne 107 150 teńgeni ıemdenip, jubaılaryn jumysqa ornalastyrmaı, aldap ketken. Sottalýshynyń jasaǵan qylmystyq áreketi aýyr qylmys sanatyna jatady. Sol sebepten sot úkimimen sottalýshy A. QR Qylmystyq kodeksiniń 190-baby 3-bóliginiń 4) tarmaǵyna sáıkes kináli dep tanyldy. Oǵan 3 jyl merzimge bas bostandyǵyn shekteý jazasy taǵaıyndaldy», – dep málim etti Mahambet aýdandyq sotynyń baspasóz qyzmeti.