Atyraýda qurbandyqqa shalynǵan mal eti 300-den astam otbasyǵa taratylýda
19:15, 31 Shilde 2020
ATYRAÝ. QazAqparat –Atyraýda qurbandyqqa shalynǵan mal eti 300-den astam otbasyǵa taratylyp jatyr, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, qurbandyq eti áleýmettik az qamtylǵan otbasylarǵa taratylady. Oǵan Atyraý volonterlar shtabynan 50 erikti men avtovolonterler jumyldyryldy. Volonterlar shtabynyń músheleri etti bólip, muqtaj otbasylardyń úıine jetkizip beredi.
«Búgin biz qurbandyqqa shalynǵan mal etin kópbalaly otbasylarǵa, múmkindigi shekteýli jandarǵa taratyp jatyrmyz. Qurban aıt kúngi izgi nıetter qabyl bolady. Birligimiz arta beredi dep senemin», - dedi oblystyq volonterlar shtabynyń múshesi Ádilhan Sársenov.
Eske sala ketelik, budan buryn Atyraýdyń kirebesine 4 mobıldi beket qoıylǵan edi.