Atyraýda kósheni jaryqtandyratyn myń baǵan ornatyldy

ATYRAÝ. QazAqparat - Atyraýda kósheni jaryqtandyratyn myń baǵan ornatyldy, dep habarlaıdy «QazAqparat» HAA tilshisi.

«Atyraýdaǵy 194 kósheniń 19-yna aqyldy kóshe jaryqtandyrý júıesi ornatyldy. Ony táýliktiń ár kezine baılanysty jaryqdıodty shamdarynyń kómegimen jaryq berý deńgeıin ózgertip otyra alatyndyǵy úshin osylaı atap ketken. Bul adamdar úshin de yńǵaıly, ári únem bolady. Máselen, eki aı ishinde únemdelgen qarjy somasy 2 mln teńgeden asyp jyǵylady. Joba memlekettik-jekeshelik áriptestik aıasynda júzege asyrylyp otyr», - dep habarlaıdy joba jetekshisi Maqsat Isahanov.

Kásipkerler bul jobaǵa 2 mıllıard 336 mıllıon teńge ınvestıtsııalaǵan. Bul kósheni jaryqtandyrýdy modernızatsııalaýdyń birinshi kezeńi. Ekinshi kezeń osy jyldyń sońyna deıin júzege asyrylady.