Atyraýda koronavırýstan úshinshi adam qaıtys boldy

ATYRAÝ. QazAqparat –Atyraý oblysynda koronavırýstan 72 jastaǵy áıel kóz jumdy. Bul qaýipti indetten kóz jumǵan úshinshi adam, dep habarlaıdy QazAqparat.

Oblys ákimi baspasóz qyzmetiniń málimetinshe, qaıtys bolǵan naýqas Qurmanǵazy aýdanynda turǵan.

Aqkól aýylynyń 72 jastaǵy turǵyny eki jaqty pnevmonııamen aýdandaǵy ortalyq aýrýhananyń juqpaly aýrýlar bólimine jatqyzylǵan. Zeınetker áıelde arterıaldy gıpertenzııa, tamyrdan shyqqan progressıvti dıskrkýlıatorly entseopatııa, baýyr steatozy, sozylmaly pankreatıt aýrýlary bolǵan.

Naýqasqa 4 maýsymda COVID-19 ınfektsııasynyń bar-joǵyn anyqtaý úshin tekserý júrgizilgen. Al, 6 maýsymda taldaý qorytyndysy koronavırýs ınfektsııasynyń baryn kórsetken.

«Budan keıin naýqasty oblystyq juqpaly aýrýlar aýrýhanasyna aýystyrýǵa daıyndap edi. Biraq, onyń jaǵdaıy kúrt nasharlap ketti. Dárigerler júrek-ókpe reanımatsııasyn jasady. Alaıda, bul nátıjesiz boldy. Ókinishke qaraı, naýqas kóz jumdy», -dedi oblys ákiminiń baspasóz qyzmetinen.

Eske sala ketelik, buǵan deıin Atyraýda qaýipti indetten eki adam qaıtys bolyp, onyń biri úıinde bir apta jatyp qalǵanyn habarlap edik.