Atyraýda koronavırýstan emdelýge jiberilgen sońǵy naýqas saýyqty
Oblystyq densaýlyq saqtaý basqarmasy baspasóz qyzmetiniń málimetinshe, koronavırýstan saýyǵý úshin úıinde em qabyldaǵan sońǵy patsıenttiń PTR-zertteýi teris nátıje kórsetti.
«Atyraý oblysynda pandemııa bastalǵannan beri 62 253 adam koronavırýs ınfektsııasyn juqtyrdy. Onyń ishinde, 128 patsıent qaıtys boldy. Qazir óńirdegi aýrýhanalarda qaýipti vırýsqa qarsy em qabyldap jatqan naýqastar joq. Úıinde ambýlatorlyq em-dom qabyldaǵan sońǵy patsıenttiń PTR-zertteýi teris nátıje kórsetti», - dep habarlady basqarmanyń baspasóz qyzmeti.
Byltyrǵy 1 aqpannan beri koronavırýs ınfektsııasyna qarsy vaktsınalardyń І komponentin 270 841 adam saldyrǵan. Vaktsınalardyń ІІ komponentin alǵan atyraýlyqtardyń sany 258 871-ge jetti. Revaktsınalaýdan 62 998 adam ótken. Al, Pfizer vaktsınasyn 9 517 adam qaıta vaktsınatsııalaý retinde alǵan.
Eske sala ketelik, budan buryn Atyraýda koronavırýspen aýyrǵan sońǵy naýqas emdelip shyqqanyn jazǵan bolatynbyz.