Atyraýda koronavırýs juqtyrǵan jetinshi júkti áıel bosandy
00:30, 16 Maýsym 2020
ATYRAÝ. QazAqparat – Atyraýda koronavırýs ınfektsııasyn juqtyrǵan jetinshi júkti áıel bosandy, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, 15 maýsymda qaýipti indetke shaldyqqan jetinshi júkti áıel deni saý bala dúnıege ákeli.
Akýsherlik kómekke oblystyq perınataldyq ortalyqtyń mamandary atsalysqan. Náresteden koronavırýs ınfektsııasyna taldaý alynyp, taza palataǵa aýystyrylǵan.
Oblystyq densaýlyq saqtaý basqarmasynyń aqparatyna sáıkes, bosanǵan áıel – Qyzylqoǵa aýdanynyń turǵyny.
«Sábıdiń salmaǵy – 3 keli 394 gramm, boıy – 52 sm. Ananyń da, náresteniń de jaǵdaıy jaqsy. Jas anaǵa tıisti emdeý sharalary ári qaraı júrgiziletin bolady», - dep habarlady oblystyq densaýlyq saqtaý basqarmasynan.
Eske sala ketsek, Atyraýda NCOC qyzmetkeri koronavırýs juqtyrdy.