Atyraýda koronavırýs juqtyrǵan eki áıel deni saý bala bosandy
17:49, 13 Mamyr 2020
ATYRAÝ. QazAqparat – Atyraýda keshe dúnıege kelgen 2 sábıden koronavırýs belgisi tabylmady, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, 2 sábıden koronavırýs ınfektsııasyna alynǵan test synamasynyń nátıjesi belgili bolǵan. Sábılerden qaýipti indet tabylmaǵan.
«Eki sábı ınfektsııalyq statsıonardan oblystyq balalar aýrýhanasyna aýystyryldy. Ekeýiniń de densaýlyǵy turaqty dep baǵalanyp otyr. Al, analary – 24 jáne 29 jastaǵy eki áıel ınfektsııalyq statsıonarda em alýdy jalǵastyrady. Olar qaýipti indetten tolyq aıyqqannan keıin shyǵarylady», - dep habarlady óńirlik shtab.