Atyraýda kópqabatty úıdiń jertólesinen er adamnyń múrdesi tabyldy
WhatsApp messendjeri men áleýmettik jelide taraǵan aqparatty oblystyq Polıtsııa departamentiniń baspasóz qyzmeti rastady.
Departamenttiń baspasóz qyzmetiniń málimetinshe, er adamnyń múrdesi búgin, 6 maýsymda jergilikti ýaqytpen saǵat 18:20 shamasynda tabylǵan.
«Atyraý qalasyndaǵy «Bereke» shaǵynaýdanynda ornalasqan kópqabatty turǵyn úıdiń jertólesindegi baspaldaqta er adamnyń denesi jatqany habarlandy. Onyń 1963 jyly týǵany anyqtaldy. Sot-medıtsınalyq saraptama taǵaıyndaldy», - delingen usynylǵan aqparatta.
Ázirge er adamnyń neden qaıtys bolǵany belgisiz. Polıtsııa qyzmetkerleri tergep-tekserý júrgizýdi bastady.
Eske salsaq, budan buryn Atyraýdaǵy ortalyq alańda 60 jastaǵy jumysshy kóz jumǵanyn habarlaǵan bolatynbyz. Oqıǵa ornyna jedel tergeý toby baryp, tekserý júrgizdi. Marqumnyń denesinde jaraqat joq. Aldyn ala boljamǵa sáıkes, ol densaýlyǵyndaǵy kináratqa baılanysty qaıtys bolǵan. Marqum sol mańǵa jaqyn ornalasqan qurylys alańynda jumys istegeni anyqtaldy», - delingen edi baspasóz málimetinde.