Atyraýda kóp márte paıdalanýǵa bolatyn 8000 maska satylymǵa shyqty

ATYRAÝ. QazAqparat – Atyraýda kóp ret paıdalanýǵa arnalǵan 8000 medıtsınalyq maska satylymǵa tústi, dep habarlaıdy QazAqparat.

Atyraý oblystyq taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń habarlaýynsha, 23 naýryzdan bastap óńirdegi dárihanalarda kóp rettik medıtsınalyq maskalar satylyp jatyr.

Osy kezge deıin osyndaı 1044 maska bolsa, endi oǵan 8000 dana qosyldy. Mundaı maska «Na Gýrevskoı», «Dılnaz», «Gıppokrat», sondaı-aq, «Narıkova», «Ýtarova» jeke kásipkerliginiń dárihanalarynda satylýda.

«Farmatsevtıkalyq sýbektiler qaýymdastyǵynyń sheshimine sáıkes, kóp rettik medıtsınalyq maskalardyń baǵasy 110 teńgeden qymbat bolmaýy tıis. Bir adamǵa 5 danadan artyq satylmaıdy», - deıdi departamenttiń baspasóz hatshysy Balkenje Qabırova.