Atyraýda kóp balaly analar marapattaldy

ATYRAÝ. QazAqparat –Atyraý qalasynda turatyn kóp balaly analar «Altyn alqa» jáne «Kúmis alqamen» marapattaldy, dep habarlaıdy QazAqparat.

Qalalyq ákimdiktiń baspasóz qyzmetiniń málimetinshe, Qazaqstan Respýblıkasy Prezıdentiniń 2020 jylǵy 30 qyrkúıektegi №421 Jarlyǵymen Atyraý qalasy boıynsha 7 ana «Altyn alqaǵa» jáne 45 ana «Kúmis alqaǵa» ıe bolǵan.

Kóp balaly analarǵa alqalardy Atyraý qalasy ákiminiń orynbasary Samat Embergen tabys etti.

Sondaı-aq, Almaly, Qaırshaqty, Erkinqala, Aqsaı, Keńózek aýyldyq okrýgteriniń ákimderi atalǵan eldi mekenderde turatyn analardy marapattady.

Eske sala ketelik, budan buryn Atyraý oblysynda naýryzdan beri 12 myńǵa jýyq náreste dúnıege kelgenin habarlap edik.