Atyraýda kókjótelge qarsy vaktsına almaǵandardan «Borgetella Pertussis» DNQ-sy anyqtaldy
Atyraý oblystyq sanıtarııalyq-epıdemıologııalyq baqylaý departamentiniń baspasóz qyzmetinen málim etkendeı, bıylǵy 6 aıda kókjótel juqtyrý boıynsha 30 jaǵdaı tirkelgen.
«Bul syrqat júıke júıesi, tynys joldaryn zaqymdaıdy. Jótel ustamasy baıqalady. Osyndaı dıagnozdyń alǵashqy belgilermen Atyraý qalasynda – 19, Mahambet aýdanynda – 4, Qurmanǵazyda – 3, Isataıda – 3, Inder aýdanynda 1 jaǵdaı anyqtaldy. Zerthanalyq taldaý qorytyndysymen 23 synamadan qysqa taıaqsha tárizdi qozdyrǵyshymen «Borgetella Pertussis» DNQ-sy anyqtalyp otyr. Al 7 synamada teris nátıje kórsetti», - dep habarlady departamenttiń baspasóz qyzmeti.
Atalǵan aýrýdy juqtyrýdyń 22 deregi kókjótelge qarsy vaktsınany ektirmeýden ekeni anyqtaldy. Onyń ishinde profılaktıkalyq ekpelerden bas tartýdyń 10 jaǵdaıy (43,5%) bar. Al medıtsınalyq qarsy kórsetkishke baılanystsy 11 jaǵdaı (47,8%) tirkelgen. Bireýiniń (4,3%) ekpe alýǵa jasy jasy jetpegen. Taǵy bir adam (4,3%) profılaktıkalyq ekpesin alǵan.
Eske sala ketelik, budan buryn Atyraý oblysynda 5 aıda qyzylsha juqtyrýdyń 202 deregi tirkelgenin habarlaǵan edik.
Atyraý oblysynyń sanıtarııalyq-epıdemıologııalyq baqylaý departamentiniń bas mamany Gúldana Bısenbaıqyzynyń aıtýynsha, qyzylsha juqtyrýdyń alǵashqy deregi 2 naýryzda anyqtalǵan.
Bıylǵy 2 naýryz ben 25 shilde aralyǵynda alǵashqy dıagnozy boıynsha qyzylsha juqtyrý kúdigimen 285 jaǵdaı tirkeldi. Onyń ishinde Atyraý qalasynda – 268, Jylyoı aýdanynda – 7, Qurmanǵazyda – 6, Mahambette – 3, Qyzylqoǵa aýdanynda 1 derek anyqtalyp otyr. Atalǵan dertti juqtyrýdyń 202 deregi zerthanalyq taldaý jolymen dáleldengen.