Atyraýda kóktaıǵaqtyń kesirinen bir kúnde 10 jol apaty boldy

ATYRAÝ. QazAqparat – Atyraýda kóktaıǵaqtyń kesirinen bir kúnde 10 jol-kólik oqıǵasy tirkeldi, dep habarlaıdy QazAqparat.

Atyraýda kesheden beri kóktaıǵaq baıqalyp otyr.

Osyǵan baılanysty «Arnaıy avtobaza» JShS-giń basshysy Almas Іztileýovtyń aıtýynsha, kesheden beri kólik jol, kópirler men baspaldaqtar, mektepter men jaıaý júrginshiler jolaǵyna qum aralas tuz sebilgen.

Bul jumysqa 180 jumysshy men 3 tehnıka jumyldyryldy.

Oblystyq polıtsııa departamenti baspasóz qyzmetiniń málimetinshe, kóktaıǵaq kesirinen jol-kólik oqıǵasy kóbeıgen.

Máselen, 20 jeltoqsanda 10 jol-kólik oqıǵasy tirkelgen.

«Atyraýda aýa-raıy kúrt ózgerdi. Bul Atyraý qalasynyń aýmaǵyndaǵy joldyń bárinde kóktaıǵaq bolýyna áser etti. Sol sebepten, qala turǵyndary men qonaqtaryna, ásirese júrgizýshilerge qaýipsiz qozǵalysty qamtamasyz etý úshin negizgi qaǵıdalardy saqtaý kerektigin eskertemiz. Kóliktiń jyldamdyq rejımin saqtaý, sondaı-aq, jolda araqashyqtyqty saqtaǵan jón. Kólikti qysqy dóńgelektermen jabdyqtaý qajet. Óıtkeni, jazǵy dóńgelekpen júrý kjol-kólik oqıǵasyna sebepker bolýy múmkin. Eń mańyzdy saqtyq sharasy – júrgizýshi joldy kesip ótetin adamdarǵa ótkizýi tıis. Al jaıaý júrginshiler bul úshin arnaıy belgilengen jolaqtan barynsha abaılap ótkeni jón», -dep habarlady departamenttiń baspasóz qyzmetinen.

Eske sala ketelik, buǵan deıin Atyraýda jaıaý júrginshini mert qylǵan mas júrgizýshi ustalǵanyn jazǵan bolatynbyz.

Keıin jeńil kólik qaqqan jaıaý júrginshi mert bolǵanyn habarlaǵan edik.