Atyraýda kirister basqarmasy kásipkerden 42 mln teńgeni zańsyz óndirip alǵan
Sybaılas jemqorlyqqa qarsy is-qımyl agenttigi Atyraý oblysy boıynsha depratamentiniń baspasóz qyzmetinen málim etkendeı, seriktestiktiń biriniń basshysynan shaǵym túsken.
«Seriktestik basshysy basqa kásiporyn aldyndaǵy debıtorlyq bereshekti óteý úshin JShS shotynan 41,8 mln teńgeni negizsiz óndirip alǵan Atyraý qalasy memlekettik kirister basqarmasynyń zańsyz áreketine shaǵymdandy. Іs júzinde eshqandaı debıtorlyq bereshek bolmaǵan. Sheneýnikterdiń zańsyz áreketiniń nátıjesinde kásipker 42 qyzmetkerge jalaqy, salyq tóleı almaǵan. Kelisimshart mindettemelerin oryndaı almaǵany anyqtaldy», -dep habarlady departamenttiń baspasóz qyzmeti.
Osyǵan oraı jergilikti Antıkor qyzmeti memlekettik kirister departamenti men óńirlik kásipkerler palatasynyń basshylyǵymen kezdesý uıymdastyrdy.
Kezdesýdiń nátıjesinde zańsyz alynǵan qarajatty qaıtarý jóninde oń sheshim qabyldandy. Qazir kásipkerge qarajatty qaıtarý rásimi júrgizilip jatyr.
Eske sala ketelik, buǵan deıin Atyraýda memlekettik kirister departamenti kásipkerge 5,4 mln teńge depozıtin qaıtarmaǵanyn habarlaǵan edik.
Jergilikti kásipker bıylǵy aqpanda Qytaıdan kedendik deklaratsııalaý rásiminen ótken taýar satyp alǵan.
Salyq organynyń qyzmetkerleri taýardyń quny men barlyq qujattardy odan ári tekserý úshin 5 mln 802 myń 717 teńge mólsherinde depozıt engizý týraly talap bergen.
Bul qarjynyń 357 423,42 teńgesi bıýdjetke aýdarylǵan.
«Depozıt engizilgennen keıin memlekettik kirister komıteti basqa qun boıynsha baj jáne qosymsha qun salyǵyn qosymsha tóleý qajettigi týraly sheshim shyǵarǵan. Kásipker kelisip, qaryz somasyn tólep, depozıttiń qalǵan somasyn qaıtarý týraly ótinish joldaǵan. Alaıda, 2 aptadan astam ýaqyt ishinde 5,4 mln teńge depozıtin qaıtara almaǵan» -dep málim etken edi vedomostvodan.