Atyraýda kásipkerlik nysandary ıelerine 3 mln teńgege jýyq aıyppul salyndy
Atyraý qalasynyń sanıtarııalyq-epıdemıologııalyq baqylaý basqarmasy mamandarynyń málimetinshe, mobıldik toptar reıd kezinde karantındik shekteý sharalaryn buzǵan birneshe nysandy anyqtaǵan.
«Qoǵamdyq tamaqtaný obektileriniń, oıyn-saýyq mekemeleri men dúkenderdiń ıeleri QR Ákimshilik quqyq buzýshylyq týraly Kodeksiniń 425-baby, 1-tarmaǵymen ákimshilik materıal jasaý úshin Atyraý qalasynyń sanıtarııalyq-epıdemıologııalyq baqylaý basqarmasyna shaqyryldy. Olardyń arasynda «Salam Bro», «Masha ı Medvedı», «Chechıl
pab», «KESh» karaoke klýby, «Vobla» dámhanasy, «Alkomarket» dúkeni, «Kerýen»,«Aıva» meıramhanalary, «Regıonbet» loto-klýby men «Tuki doner» donerhanasy sekildi kásipkerlik nysandary bar. Atalǵan nysandardyń ıelerine 2 mln 858 myń 660 teńge aıyppul salyndy» - delingen basqarma taratqan aqparatta.
Eske sala ketelik, budan buryn Atyraýda 100-ge jýyq adam jınalǵan basqosý tarqatylǵan bolatyn.