Atyraýda kásipkerler oblystyq aýrýhanaǵa 2 jasandy tynys berý apparatyn syılady
Óńirlik kommýnıkatsııalar qyzmetiniń habarlaýynsha, buǵan deıin oblysta ókpeni jasandy jeldetetin 111 apparat bolǵan. Endi kásipkerlerdiń demeýshiligimen oblystyq aýrýhanaǵa koronavırýs ınfektsııasyn juqtyrǵan naýqastardy emdeýde qoldanylatyn osyndaı 2 apparat alynǵan.
«Barsha jurtqa qaýip tóndirgen indetti aýyzdyqtaý úshin, eń aldymen, dárigerler men medıtsına qyzmetkerleri jumyldyryldy. Olarǵa memleket tarapynan jan-jaqty qoldaý kórsetildi. Bılik aq halatty abzal jandarǵa barynsha jaǵdaı jasaýda. Degenmen, bárimiz bir mezette jumylyp kúressek, bul indetten arylýdyń aýyly alys emes dep bilemin. Birer kún buryn oblystaǵy iri kásiporyndar men kásipkerlerimizdi osy indetpen jumylyp kúresýge shaqyrǵan edim. Іle-shala qoldaý bildirýshi kásiporyndar tabyldy. Olarǵa alǵys bildiremiz. Osyndaı qıyn kezeńde bir-birimizge demeý bolsaq, bul indetti de birge jeńemiz», - dedi oblys ákiminiń orynbasary Baqytgúl Hamenova.
Eske sala ketelik, buǵan deıin Atyraý oblystyq aýrýhanasynda 400 oryndyq ınfektsııalyq statsıonar ashylatynyn habarlap edik.