Atyraýda qarııa 5-qabattaǵy terezeden sekirmek boldy
Oblystyq Polıtsııa departamentiniń baspasóz qyzmetinen málim etkendeı, oqıǵa búgin, 9 maýsymda bolǵan. Bul týraly saǵat 17:00 shamasynda «102» arnasyna habar túsken.
«Atyraý qalasyndaǵy «Avangard» shaǵynaýdanynda ornalasqan kópqabatty turǵyn úıdiń 5-qabatynan belgisiz er adam sekirmek bolǵany anyqtaldy. Oqıǵa ornyna Atyraý qalalyq polıtsııa basqarmasy patrýldik polıtsııa batalonynyń qyzmetkerleri Qadirbek Qýatov, Álı Qadyrov pen ýchaskelik polıtsııa ınspektory Ánýar Quspanov jedel jetti. Tártip saqshylary páterge terezeden kirip, sekirýge oqtalǵan er adamdy qutqaryp qaldy», - dep habarlady departamenttiń baspasóz qyzmetinen.
Qutqarylǵan er adam qaýipsiz jerge shyǵaryldy. Atyraý qalasynda turatyn 64 jastaǵy zeınetkerdiń tosyn áreketke otbasylyq janjaldyń saldarynan barǵany anyqtaldy. Oǵan alǵashqy medıtsınalyq kómek kórsetildi.
Eske sala ketelik, buǵan deıin 23 jastaǵy atyraýlyq on altynshy qabattan sekirýge oqtalǵanyn jazǵan bolatynbyz.
Jas jigit «Almagúl» shaǵynaýdanynda ornalasqan turǵyn úıdiń 16-qabatynan sekirmek bolǵan. Ony qutqarýǵa Atyraý qalalyq polıtsııa basqarmasy patrýldik polıtsııa batalonynyń vzvod komandıri Danabek Saqýov, qyzmet ınspektorlary, polıtsııa aǵa leıtenanty Aıdos Qubıev pen polıtsııa leıtenanty Serik Joldyǵalıuly jedel jetken.
Polıtseıler joǵarǵy qabatqa kóterilgende, er adam ózine jaqyndamaýyn eskertip, aıǵaılaı bastaǵan. Dıalog qurýǵa tyrysqan polıtseıler yńǵaıly sátte shapshań qımyldap, jas jigitti balkonǵa tartyp kirgizgen.