Atyraýda karantın talabyn buzǵandarǵa 83 mln teńge aıyppul salyndy

NUR-SULTAN. QazAqparat – Atyraý oblysynda karantın talaptaryn oryndamaǵan nysandar men jeke tulǵalarǵa jalpy somasy 83 mln 618 myn 515 teńge kóleminde aıyppul salyndy. Bul týraly Atyraý oblysy ákiminiń orynbasary Baqytgúl Hamenova málim etti, dep habarlaıdy QazAqparat tilshisi.

«Oblys boıynsha 64 monıtorıng toby quryldy. Onyń quramynda ákimdik, densaýlyq saqtaý, ishki ister jáne basqa quzyrly organdardyń ókilderi bar. Mobıldi toptyń maqsaty – óńirdegi karantın talaptarynyń saqtalýyn qadaǵalaý. Jyl basynan beri 51 713 nysanǵa 12 501 reıd júrgizildi. Nátıjesinde mobıldi top ókilderi 850 quqyq buzýshylyqty anyqtady. Monıtorıng tobynyń ókilderi anyqtaǵan, ıaǵnı karantın talabyn buzǵan shaǵyn jáne orta bıznes nysandary men jeke tulǵalarǵa 83 mln 618 myń 515 teńge kóleminde 596 aıyppul salyndy», - dedi Baqytgúl Hamenova OKQ-de ótken baspasóz máslıhatynda.

Onyń aıtýynsha, qyrkúıek aıynda oblys boıynsha 366 reıd júrgizilip, 1696 nysannyń jumysy qadaǵalanǵan.

Jáne tekserý nátıjesinde 31 ákimshilik is qozǵalyp, 1 mln 939 myń 805 teńgege aıyppul salynypty.

Buǵan deıin atalǵan oblys ákiminiń orynbasary óńirde dári-dármektiń 2 aılyq qory jasalǵanyn aıtyp ótken edi.