Atyraýda izdeýde júrgen kúdikti psıhotroptyq dárilerdi zańsyz tasymaldaǵan

ATYRAÝ. QazAqparat – Atyraýda izdeýdegi kúdikti psıhotroptyq dárilerdi zańsyz tasymaldaǵan. Ol sybaılasymen birge ustalyp, qamaýǵa alyndy, dep habarlaıdy QazAqparat tilshisi.

Oblystyq polıtsııa departamentiniń baspasóz qyzmetinen málim etkendeı, salonynda 31 jastaǵy eki jigit bar «Nissan» avtokóligi kúdik týdyrǵan. Kúdikke ilingen kólik jedel basqarý ortalyǵynyń beınebaqylaý kamerasyna túsken. Ortalyq qyzmetkerleri kólik týraly derekti patrýldik polıtsııa batalonynyń ınspektorlaryna habarlaǵan.

«Polıtsııa ınspektorlary saǵat 18:30 shamasynda Atyraý qalasynyń J. Moldaǵalıev kóshesindegi 26-úı mańynda «Nissan» avtokóligin toqtatty. Avtokólik salonyn tekserý kezinde 52 dana tramadol, 67 dana tropıkamıd psıhotroptyq dárileri tabyldy. Dárigerdiń ruqsatymen ǵana berilýge tıis psıhotropty dárilerdi zańsyz tasymaldaǵan 31 jastaǵy eki er adamǵa qatysty is qozǵalyp, tirkeýge alyndy. Kúdiktilerdiń mundaı kólemdegi dárilerdi qandaı maqsatpen tasymaldaǵany tergeý kezinde anyqtalady», - dep habarlady departamenttiń baspasóz qyzmeti.

Qazir ustalǵan kúdiktiler qamaýǵa alyndy. Tergeý amaldary júrip jatyr.

Belgili bolǵandaı, kúdiktiniń biri buryn QR Qylmystyq kodeksiniń 191-babynyń 1-bóligimen izdeýde bolǵany anyqtaldy.

Eske sala ketelik, budan buryn Atyraýda esirtki kóshedegi kóliktiń terezesinen satylǵanyn jazǵan bolatynbyz.