Atyraýda ınternet arqyly jasalatyn alaıaqtyq qylmys ósti

ATYRAÝ. QazAqparat – Atyraý oblysynda byltyr ınternettegi alaıaqtyq qylmys deregi 9,7 paıyzǵa, al, bıylǵy qańtar bastalǵaly 10 paıyzǵa ósken, dep habarlaıdy QazAqparat tilshisi.

Atyraý oblystyq polıtsııa departamenti krımınaldyq polıtsııa basqarmasynyń aǵa jedel ýákili, polıtsııa maıory Zakarıan Razǵalıevtyń málimetine súıensek, ótken jyly ınternettegi alaıaqtyqtyń 720-dan astam deregi tirkelgen.

«Ótken jyly tirkelgen qylmystyq derektiń basym kópshiligi taýardy onlaın satyp alý, onlaın nesıe rásimdeýge qatysty bolyp otyr. Byltyr bul qylmys sany 9,7%-ǵa ósip, 720-dan astam derek tirkeldi. Qazir 130 qylmys ashylyp, teregý júrip jatyr. Al, bıylǵy jyl bastalǵaly beri ınternettegi alaıaqtyq 10%-ǵa artyp otyr. Qazir bank nemese quqyq qorǵaý organdary qyzmetkerleriniń atynan qońyraý shalyp, nesıe rásimdeý jónindegi alaıaqtyq erekshe beleń alyp tur. Bul derek boıynsha byltyr tirkelgen qylmystyq sany 70-ten asty, -dep habarlady Zakarıan Razǵalıev.

Qarjy naryǵyn retteý jáne damytý agenttigi Atyraý qalasyndaǵy óńirlik ókilder basqarmasynyń basshysy Aslanbek Qabesovtiń aıtýynsha, alaıaqtardyń quryǵyna túspeý úshin saqtyq sharalaryn esten shyǵarmaý qajet.

«Belgisiz nómirden qońyraý shalyp, birden aqsha jaıynda áńgime qozǵaǵan adamǵa, tipti óziniń kim ekeni týraly aıtsa da senbeý qajet. Beıtanys adamnyń aıtqan nusqaýlardy oryndamaý, ásirese, oǵan ózińiz týraly aqparat bermegen jón. Mobıldi telefonǵa kúmán týǵyzatyn qosymshalardy júktemeý kerek. Eger aqshasynan aıyrylyp qalmaý, «bóten adamnyń» kredıti resimdelmeýi úshin derbes jáne tólem derekterin eshkimge bermeý qajet», -dep málim Asalnbek Qabesov.

Eske sala kketelik, budan buryn Atyraýda 4 adamdy aldap, 5,4 mln teńgesin ıemdengen alaıaq áıel ustalǵanyn jazǵan edik.