Atyraýda ınternet alaıaqtyqqa qatysty 276 oqıǵa tirkeldi

ATYRAÝ. QazAqparat – Atyraý oblysynyń polıtsııa departamenti ınternet arqyly jasalatyn alaıaqtyq jıilep ketkeni týraly eskertedi. Jyl basynan beri óńirde 276 fakti tirkelgen, dep habarlaıdy QazAqparat tilshisi.

Alaıaqtarǵa aldanǵan adamdarǵa kóp jaǵdaıda qyraǵylyq jetispeı jatady.

Atyraý oblystyq polıtsııa departamenti qala turǵyndary arasynda saýalnama júrgizip, onyń nátıjesi boıynsha azamattardyń jeke mysaldary negizinde,qylmystyń aldyn alý jalǵasýda.

«Meniń áleýmettik jelidegi paraqshama belgisiz adam kirip, áriptesimnen 100 myń teńge kóleminde qaryzǵa aqsha suraǵan. Áriptesim kelisip, biraq eskertý maqsatynda dereý maǵan qońyraý shaldy. Abyroı bolǵanda alaıaq quryǵynan aman qaldyq», - deıdi qala turǵyny Nurbıke Erǵalıeva.

Alaıda,polıtsııa alaıaqtardyń «Sizdiń ulyńyz ózin jaısyz sezinýde, qarajatty aýdaryńyz» nemese burynǵy akkaýnt arqyly jalǵan habarlamalar jazatynyn eskertedi.

«Qazir Instagram jelisinde jalǵan jarnamalardyń faktileri jıilep ketkeni. Alaıaqtyq qoljetimdi baǵasy bar taýardyń fotosýreti qoıylǵan jarnama saıttarynda jıi kezdesedi. Alaıaq azamattardyń aqshasyn aldyn-ala alyp, keıin nómirin baılanystan ajyratyp tastaıdy. Bul júıemen jumys jasap kórmegen azamattardyń tez aldanyp qalatynyn osydan-aq baıqaýǵa bolady», -dep habarlady oblystyq polıtseı departamentiniń baspasóz qyzmetinen.

Osy atalǵan faktiler boıynsha QR Qylmystyq kodeksiniń 190-baby boıynsha birneshe ret qylmystyq is tirkelgen.

Qylmystyń osy túrin azaıtý jáne boldyrmaý maqsatynda polıtsııa departamenti qyraǵy bolýdy, taýarlarǵa ınternet arqyly tapsyrys berer kezinde lıtsenzııalanǵan dúkenderdi paıdalanýdy, habarlandyrýlardy muqııat tekserýdi usynady.