Atyraýda ınstrýktor-reabılıtolog mamandar sany óspek
Atalǵan jobanyń birinshi kezeń aıasynda qatysýshylar reabılıtatsııa týraly negizgi bilimdi ıgerip, fýndament qalyptastyrsa, sonymen qatar qatysýshylar reabılıtatsııanyń naqty baǵytyn tańdap, bilimderin shyńdap, oqýdy támamdaıdy. Jobanyń maqsaty – Atyraý oblysynda ınstrýktor-reabılıtolog mamandardyń sanyn arttyrý, múgedek jandarǵa arbany qoldana otyryp, tolyqqandy ómir súrý daǵdylaryn úıretý.
«Múgedek adamdardy tıimdi ońaltý» jobasynyń bıylǵy baǵdarlamasy ótken jyldan ózgeshe – byltyr oqýdy bastaǵan qatysýshylardyń naqty mamandyq ıgerýge arnalǵan, sonymen qatar qatysýshylardyń jańa legin oqytýǵa baǵyttalǵan (5 múgedek adam jáne 5 volonter).). Nátıjesinde, bolashaqta shalǵaı jerlerde turatyn jáne passıvti ómir saltyn júrgizetin múgedek adamdar úshin osyndaı semınarlar ótkizý úshin bizdiń oblysta nusqaýshylar sany artady dep josparlap otyrmyz. Qazirdiń ózinde bizdiń qatysýshylarymyz psıhologııalyq jáne motıvatsııalyq qoldaý kórsetý maqsatynda ońaltý ortalyǵynda jáne oblystyq aýrýhanada julyn jaraqatyn alǵan patsıenttermen kezdesýler ótkizýde, - dedi «Biz de adambyz» qoǵamdyq qorynyń basshysy Gýlnaz Qosmurzıeva.
Kýrsty Belarýs mamandary júrgizýde, olar ózderiniń oqytý baǵdarlamasynda «teń-teńimen» ádisin qoldanady.
Mamandardyń aıtýynsha, t eń-teńimen ádisi búkil álemde tanymal, bilim salasynda jáne densaýlyǵynda aqaý bar jandarǵa reabılıtatsııa jasaý kezinde qoldanylady.
Semınarlar aıaqtalǵannan keıin uıymdastyrýshylar jaz aılarynda Inder aýdanynda ótetin «Belsendi ońaltý» lagerine barady.