Atyraýda hıdjap kıgen oqýshy qyzdardyń ata-analaryna aıyppul salyndy
08:50, 21 Qyrkúıek 2018
ATYRAÝ. QazAqparat - Atyraýda 16 oqyshýnyń ata-anasyna aıyppul salyndy, dep habarlaıdy QazAqparat tilshisi.
«Mundaı jaǵdaılarda ata-analarǵa aldymen eskertý jasalady. Mektep basshylary olardy kóndire almaıtyn bolsa, zańdy negizde «Ata-analardyń nemese ózge zańdy ókilderdiń bilim salasyndaǵy Qazaqstan Respýblıkasynyń zańnamasynda qarastyrylǵan mindetterdi tıisti deńgeıde oryndamaý» ÁQBtK babyna sáıkes ákimshilik yqpal etý sharalary qoldanylady.
«16 ata-ananyń isi sotqa jiberildi. Onda 5 AEK, ıaǵnı 12 025 teńge kóleminde qarajat óndirip alý týraly sheshim shyqty», - dedi Óńirlik kommýnıkatsııalar qyzmetinde ótken brıfıngte Atyraý oblysy boıynsha bilim salasynda baqylaý departamentiniń basshysy Satqan Esenǵalıev.