Atyraýda halyq sanaǵyn júrgizýge arnalǵan 100-den astam burysh ashyldy

ATYRAÝ. QazAqparat – Atyraýda halyq sanaǵyn júrgizýge arnalǵan 100-den astam burysh ashyldy, dep habarlaıdy QazAqparat.

Ulttyq statıstıka bıýrosy Atyraý oblysy boıynsha departamentiniń basqarma basshysy Marjan Akımovanyń aıtýynsha, 1 tamyzda óńir turǵyndarynyń sany 663 990 adamdy quraǵan.

«Maqsat – sanaq júrgizýge arnalǵan buryshtarda turǵyndarǵa departament mamandarynyń keńesin berý. Arnaıy buryshtar Atyraý qalasyndaǵy Ábilqaıyr han dańǵylynda, M.Baımuhanov kóshesinde, Azattyq dańǵylyndaǵy Halyqqa qyzmet kórsetý otalyǵynda, «Tamasha», «Atyraý», «Baızar» sekildi iri saýda ortalyqtary men «Dına», «Nasıha», «Kóktem» bazarlarynda ornalasqan. Arnaıy buryshtyń bári ǵalamtor jelisimen, kompıýtermen jabdyqtaldy» -deıdi Marjan Akımova.

Eske sala ketelik, buǵan deıin Atyraý oblysynda halyq sanaq júrgizýge 168,8 mln teńge bólingenin habarlaǵan edik.