Atyraýda gazben júretin kólikterdi jabyq avtoturaqqa qoıýǵa ruqsat etilmeıdi
08:43, 28 Jeltoqsan 2019
ATYRAÝ. QazAqparat – Órt qaýipsizdigi qaǵıdalaryna engizilgen ózgerister men tolyqtyrýlar 2019 jylǵy 29 jeltoqsannan bastap kúshine enedi, dep habarlaıdy QazAqparat tilshisi.
Bul týraly óńirlik kommýnıkatsııalar qyzmetinde ótken brıfıngte Atyraý oblysy Tótenshe jaǵdaılar departamentiniń Zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń basshysy Jasbolat Berjanov málimdedi.
«Syǵymdalǵan tabıǵı gazben jáne suıytylǵan munaı gazymen jumys isteıtin qozǵaltqyshtary bar avtomobılderdi basqa maqsattaǵy ǵımarattarǵa kiriktirilgen jáne olarǵa japsarlas, sondaı-aq jer deńgeıinen tómen ornalasqan jabyq tıptegi avtoturaqtarǵa gazben júretin kólikterdi kirgizýge ruqsat etilmeıdi»,- dedi Jasbolat Berjanov.