Atyraýda esirtkimen ustalǵan polıtseıler 7 jylǵa sottaldy
18:45, 05 Tamyz 2021
ATYRAÝ. QazAqparat – Atyraýda esirtkimen ustalǵan polıtseıler 7 jylǵa sottaldy, dep habarlaıdy QazAqparat.
Buǵan deıin Atyraý oblystyq polıtsııa departamentiniń eki qyzmetkeri tyıym salynǵan zatpen ustalǵan bolatyn.
«Atyraý qalasynyń №2 soty oblystyq polıtsııa departamentiniń qyzmetkerlerine qatysty aıyptaý úkimin shyǵardy. Polıtseılerge QR Qylmystyq Kodeksiniń 296-babynyń 4-bóligimen asa iri mólsherde gashısh esirtkisin ótkizý maqsatynsyz zańsyz satyp alǵany, saqtaǵany jáne tasymaldaǵany úshin aıyp taǵyldy», - dep habarlady sottyń baspasóz qyzmeti.
Polıtsııa qyzmetkerleri asa iri mólsherde esirtki zattaryn zańsyz satyp alǵany, saqtaǵany jáne tasymaldaǵany úshin kináli dep tabyldy. Jasalǵan qylmystyń qoǵamǵa qaýiptiligine baılanysty olar kapıtan men polıtsııa maıory sheninen aıyrylyp, 7 jylǵa sottaldy.
Úkim zańdy kúshine engen joq.