Atyraýda esirtki shegip, kólik júrgizgen jigit polıtsııadan qashpaq bolǵan
Oblystyq polıtsııa departamentiniń baspasóz qyzmetinen málim etkendeı, bul derek 13 tamyzda saǵat 21:03 shamasynda tirkelgen.
«Atyraý qalalyq polıtsııa basqarmasynyń patrýldik polıtsııa qyzmetkerleri kezekshilik kezinde S. Beıbarys - Á. Moldaǵulova kósheleriniń qıylysynda memlekettik tirkeý belgisi joq, aldyńǵy esiginiń eki búıir terezesi qarańǵylanǵan «VAZ» avtokóligin baıqaǵan. Polıtsııa qyzmetkerleri kólikti toqtatpaq bolǵan. Alaıda, júrgizýshi polıtseılerdiń zańdy talabyna baǵynbaı, qasha jónelgen. Ol Mahambet kóshesinde kedergi keltirý arqyly toqtatyldy. Kólik rólinde Atyraý qalasynyń 33 jastaǵy turǵyny bolǵany anyqtaldy. Júrgizýshiniń kólik quralyn júrgizý quqyǵy bolmaǵan. Onyń esirtkilik zat qabyldap, rólge otyrǵany belgili boldy», - dep habarlady departamenttiń baspasóz qyzmetinen.
Polıtsııa qyzmetkerleri 33 jastaǵy jigitke qatysty QR Ákimshilik quqyqbuzýshylyq týraly kodeksi 608-babynyń 6-bóligimen (Alkogoldik nemese esirtkilik, psıhotroptyq, ýytqumarlyq mas kúıde kólik basqarý), 590-babynyń 2-bóligimen (Memlekettik tirkeý nómiri belgisi joq nemese paıdalanýǵa tyıym salynǵannan keıin nemese belgilengen tártippen tirkelmegen kólik quralyn basqarý) jáne 613-babynyń 1-bóligimen (Polıtsııa qyzmetkerleriniń zańdy talabyn oryndamaý) ákimshilik hattamalar toltyrdy.
Kólik quraly arnaıy turaqqa qoıyldy.
Eske sala ketelik, budan buryn Atyraý oblysynda jol erejesi respýblıkalyq trassalarda jıi buzylatynyn jazǵan bolatynbyz.