Atyraýda er adam otbasylyq janjaldan soń kóshege pyshaq ustap shyqqan
Bul týraly búgin, 27 naýryzda Іnstagram áleýmettik jelisinde vıdeo tarady. Jeli qoldanýshylary atalǵan oqıǵa oraı túrli pikir qaldyrdy.
Oblystyq polıtsııa departamentiniń baspasóz qyzmetinen málim etkendeı, patrýldik polıtsııa qyzmetkerleri atalǵan oqıǵaǵa baılanysty 1986, 1993, 1994 jáne 2000 jylǵy 4 er adam ustaldy. Olardyń arasyndaǵy otbasylyq janjal ózara kelispeýshilikten týyndaǵany anyqtaldy», -dep habarlady departamenttiń baspasóz qyzmeti.
Ustalǵan 4 er adam Atyraý qalalyq polıtsııa basqarmasyna jetkizilgen.
Eske sala ketelik, buǵan deıin Atyraýda alqabıler 21 adamǵa qatysty qylmystyq iske sheshim shyǵarǵanyn habarlaǵan edik.
Atyraý oblysynyń qylmystyq ister jónindegi mamandandyrylǵan aýdanaralyq sotynyń málimetinshe, kúdiktilerge QR Qylmystyq kodeksiniń 99-babynyń 2-bóliginiń 7,9-tarmaqtary, 24-babynyń 3-bóligi - 99-babynyń 2-bóliginiń 1,7,9-tarmaqtary, 107-babynyń 2-bóliginiń 4,5-tarmaqtary, 434 jáne 432-babymen aıyp taǵylǵan.
Kúdiktiniń biri qylmystyq isti alqabılerdiń qatysýymen qaraýǵa ótinish bergen.
«2021 jylǵy 30 qazanda saǵat 19.00 shamasynda Atyraý oblysy Qyzylqoǵa aýdany Saǵyz aýylynda jábirlenýshiler men sottalýshylardyń arasynda tóbeles bastalyp, arty atysqa ulasqan. Jábirlenýshi K. oq jaraqaty saldarynan qaza bolǵan. Al, jábirlenýshiler E., A., I., K., B., T. ártúrli dárejedegi oq jaraqatyn alǵan. Sottalýshylardyń kinási jábirlenýshilerdiń, kýálardyń aıǵaqtarymen, saraptamalar qorytyndylarymen, oqıǵa bolǵan jerdi qaraý hattamasymen jáne zattaı dáleldemelermen tolyqtaı dáleldendi», -dep habarlady sottyń baspasóz qyzmeti.