Atyraýda elorda kúni qarsańynda jas mamandarǵa páter berildi
Atyraý oblysynyń ákimi Mahambet Dosmuhambetov óńirde medıtsına, bilim jáne mádenıet salasynda eńbek etetin bir top jas qyzmetkerge páter kiltin tabystady.
«Pandemııa barshamyzǵa ońaı tımegenin bilemiz. Soǵan qaramastan, muǵalimderdiń eren eńbeginiń arqasynda oqýshylarymyz úzdik nátıjege qol jetkizip, bilim jáne ǵylymı konkýrstarda júldeli oryndar alyp júr. Al, bıyl Mahambet atyndaǵy akademııalyq qazaq drama teatrynyń ujymy halyqaralyq baıqaýlarda eki márte bas júldeni ıelendi. Elorda kúni qarsańynda sizder jańa páter kiltin tabystaı otyryp, elimizdiń odan ári órkendeýine laıyqty úles qosatyndaryńyzǵa senemin», - dedi aımaq Mahambet Dosmuhambetov.
Qyzmettik páterge ıe bolǵandar arasynda Atyraý qalasyndaǵy №17 mektep-lıtseıiniń tehnologııa páni muǵalimi Jadyra Naýryzbaeva, oblystyq balalar aýrýhanasynyń neırohırýrgi Shodıer Arıpov, Mahambet atyndaǵy akademııalyq qazaq drama teatrynyń kórkemdik jetekshisi Muqanǵalı Tomanov pen akter Beket Zınýllın bar.
«Men alys aýylda dúnıege kelip, akterlikti tańdadym. Endi mine, mereke qarsańynda baspanaǵa ıe bolǵanyma qýanyshtymyn», - dedi Beket Zınýllın.
Dál osyndaı 15 páter bıyl joǵary oqý oryndaryn bitirip, óńirge keletin jas mamandarǵa tabys etilmek.
Eske sala ketelik, buǵan deıin 150-deı atyraýlyq otbasy baspanaly bolǵan edi.