Atyraýda el shekarasyn qasaqana buzǵan sheteldikter ustaldy
Oblystyq polıtsııa departamentiniń baspasóz qyzmetinen málim etkendeı, Ózbekstan Respýblıkasynyń eki azamaty memlekettik shekarany qasaqana buzyp ótken.
«Atyraý qalasynyń polıtseıleri elimizdiń memlekettik shekarasyn qasaqana buzǵan Ózbekstannyń eki azamattyn anyqtady. Onyń biri 2015 jyldan ÓR Qylmystyq Kodeksiniń 223-babynyń 2-bólimimen tirkelgen qylmystyq is boıynsha zańsyz shekaradan ótkeni úshin izdestirilýde bolǵan. Qazir 27 jastaǵy azamatsha ýaqytsha ustaý ızolıatoryna qamaldy. Al, 30 jastaǵy er adam osydan bir jyl buryn QR aýmaǵynan shyǵarylǵan. Soǵan qaramastan ol óziniń aty-jónin ózgertip, shekarany qasaqana kesip ótken» -dep habarlady departamenttiń baspasóz qyzmeti.
Qazir Ózbekstannyń eki azamatyna qatysty QR Qylmystyq Kodeksniń 392-baby 1-bóligimen sotqa deıingi tergeý júrgizilýde.
Eske sala ketelik, budan buryn Atyraý oblysynda kóshi-qon zańnamasy 1 381 márte buzylǵanyn jazǵan bolatynbyz.