Atyraýda el aýmaǵynan óz erkimen shyǵýdan jaltarǵan sheteldikke aıyppul salyndy
Atyraý qalasynyń ákimshilik quqyq buzýshylyqtar jónindegi mamandandyrylǵan sotynyń baspasóz qyzmetinen málim etkendeı, Armenııa Respýblıkasynan kelgen áıel elimizdiń kóshi-qon zańdylyǵyn buzǵan.
Sheteldik áıel 2019 jylǵy qarashada el aýmaǵyna ótip, Atyraý qalasyna kelgen. Alaıda, kóshi-qon zańdylyǵynda belgilengen merzim ótkennen keıin 10 táýlikten asatyn kezeń ishinde elden shyǵyp ketýden jaltarǵan.
«Elimizdiń kóshi-qon týraly zańnamasyn buzǵan Armenııa Respýblıkasynyń azamatshasy M.-ǵa qatysty ákimshilik quqyq buzýshylyq týraly is qaraldy. Sot otyrysynda M. óz kinásin moıyndap, jasaǵan áreketine ókinetinin bildirdi. Sot qaýlysymen M. QR Ákimshilik quqyq buzýshylyq týraly kodeksiniń 517-babynyń 4-bóligimen (Sheteldiktiń nemese azamattyǵy joq adamnyń zańnamada belgilengen merzim ótkennen keıin on táýlikten asatyn kezeń ishinde ketýden jaltarýynan kóringen, Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) kózdelgen ákimshilik quqyq buzýshylyq jasaǵany úshin kináli dep tanyldy. Oǵan 86 250 teńge mólsherinde ákimshilik aıyppul salý jazasy qoldanyldy», -dep habarlady sottyń baspasóz qyzmeti.
Sot qaýlysy zańdy kúshine endi.
Eske sala ketelik, budan buryn Atyraý oblysynda ýaqytsha turý úshin 12789 sheteldikke ruqsat berilgenin habarlaǵan bolatynbyz.
Keıin Atyraý oblysynda ýaqytsha turýǵa ruqsat berilgen sheteldikter qatary kóbeıgenin jazǵan edik.
Oblystyq polıtsııa departamentiniń baspasóz qyzmetinen málim etkendeı, bıylǵy jyl basynan beri 17 337 sheteldikke ýaqytsha turýǵa ruqsat berilgen. Onyń ishinde 2 514 adam alys shetelderden kelgeni anyqtalǵan. Sondaı-aq, TMD elderinen kelgen 14 823 adam tirkelgen.