Atyraýda eki kólik soqtyǵysyp, bir adam mert boldy
Atyraý oblystyq polıtsııa departamenti baspasóz qyzmetiniń aqparatyna qaraǵanda, jol-kólik oqıǵasy keshe, 22 jeltoqsanda bolǵan.
«Atyraý qalasyndaǵy Z.Qabdolov kóshesiniń boıynda Chevrolet Cobalt pen Lexus kólikteri soqtyǵysyp qaldy. Jol-kólik oqıǵasy Chevrolet Cobalt kóligin júrgizgen júrgizýshiniń kinásinen bolǵan. Ol joldyń qarsy baǵytyna shyǵyp ketken. Sonyń saldarynan Shevrolet Cobalt kóliginde otyrǵan 50 jastaǵy jolaýshy oqıǵa ornynda qaza tapty», -dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty QR Qylmystyq kodeksiniń 345-babynyń 3-bóligimen sotqa deıingi tergeý amaldary júrgizilip jatyr.
Jergilikti polıtsııa qyzmeti basqarmasynyń bastyǵy, polıtsııa polkovnıgi Erlan Bıǵambaevtyń aıtýynsha, bıylǵy jyl basynan beri oblys aýmaǵynda 326 jol-kólik oqıǵasy tirkelgen.
Jol apatynan 391 adam jaraqat alǵan, 89 jolaýshy kóz jumǵan.
Eske sala ketetik, budan buryn Atyraý oblysynda jyl basynan beri jol-kólik oqıǵasynan 89 adam mert bolǵanyn jazǵan edik.
Keıin Atyraý oblysynda 5 adam mert bolǵan jol apatyna kináli júrgizýshi sottalǵanyn habarlaǵan bolatynbyz.
Jol-kólik oqıǵasy 14 qańtarda Jylyoı aýdanynda tirkelgen. «Honda Odyssey» markaly avtokóligin júrgizip kele jatqan S. «VAZ-211540» markaly avtokóligimen soqtyǵysqan. Jol-kólik oqıǵasy saldarynan «Vaz 211540» markaly avtokóligindegi júrgizýshi men 3 jolaýshy, «HondaOdyssey» markaly avtokóligindegi 1 jolaýshy mert bolǵan.
Jylyoı aýdandyq sotynyń úkimimen S. QR Qylmystyq kodeksi 345-babynyń 4-bóligimen 5 jyl merzimge bas bostandyǵynan aıyryldy.
Foto: Atyraý oblysy PD