Atyraýda eki qabatty ǵımarat órtke orandy
10:23, 21 Maýsym 2022
ATYRAÝ. QazAqparat - Atyraý qalasynda eki qabatty qaraýsyz turǵan ǵımarat órtke orandy, dep habarlaıdy QazAqparat.
Atyraý oblystyq TJD baspasóz qyzmetiniń málimetinshe, 20 maýsym kúni saǵat 23:03-te Munaıshy shaǵyn aýdany, 7 kóshesinde ornalasqan ǵımarattan órt shyqqany týraly habarlama túsken. Tótenshe jaǵdaı kezinde eshkim zardap shekpegen.
«Qyzyl jalyndy aýyzdyqtaýǵa Atyraý oblysy TJD Órt sóndirý jáne avarııalyq-qutqarý jumystary qyzmetiniń 23 qyzmetkeri men 5 tehnıka, Atyraý munaı óńdeý zaýytynyń 4 qyzmetkeri jáne 1 tehnıkasy, «Aqberen« mekemesinen 2 qyzmetker men 1 tehnıka jumyldyryldy«, - delingen habarlamada.