Atyraýda eki adam 5 qabatty úıdiń shatyrynan qulap, mert boldy

ATYRAÝ. QazAqparat – Atyraýda qaýipsizdik beldigin taqpaǵan eki adam 5 qabatty úıdińshatyrynan qulap, mert boldy, dep habarlaıdy QazAqparat.

Oqys oqıǵa búgin, 21 aqpanda Atyraý qalasynda bolǵan. Bul derekti oblystyq polıtsııa

departamentiniń baspasóz qyzmeti rastady.

«Atyraý qalasynyń «SMP-163» shaǵyn aýdanynda ornalasqan №7 úıde jańǵyrtý

jumysy júrgizilip jatyr. Osyǵan baılanysty 5 qabatty úıdiń tóbe jabyndysyn

aýystyrý kezinde 2 jumysshy qulap ketken. Onyń biriniń jasy – 25-te, ekinshisi – 36-da.

Jumysshylardyń qaýipsizdik beldigin taqpaǵany anyqtaldy. Ekeýi de oqıǵa ornynda mert

boldy», -dep málim etti departamenttiń baspasóz qyzmetinen.

Eske sala ketelik, buǵan deıin Atyraý polıtseıleri tún ortasynda kópirden sekirmek

bolǵan boıjetkendi qutqarǵanyn habarlaǵan edik.