Atyraýda e-PIK jobasy engiziledi

ATYRAÝ. QazAqparat - Atyraýda «e-PIK» jobasy engiziledi, dep xabarlaıdy QazAqparat tilshisi. Bul týraly óńirlik kommýnıkatsııalar qyzmetinde ótken baspasóz konferentsııasynda qalalyq turǵyn-úı ınspektsııasy bóliminiń basshysy Qaırat Habıev málim etti.

«Atalǵan joba «Tsıfrly Qazaqstan» memlekettik baǵdarlamasy aıasynda júzege asady. Maqsaty - kondomınıým obektisin basqarýshy organdar men qala turǵyndary arasyndaǵy daýlardy azaıtý, PIK qyzmetine avtomattandyrylǵan sheshim engizý. Nátıjesinde, turǵyndar úshin qyzmet kórsetý sapasy jaqsaryp, jumystyń aıqyndylyǵy artpaq», - deıdi Q.Habıev.

Sondaı-aq, «e-PIK» jobasy sheńberinde atyraýlyqtar arnaıy portalda jeke kabınet ashyp, ótinishterin qaldyra alady. Sonymen qatar, jeke kabınette PIK habarlamalaryn oqýǵa múmkindik qarastyrylǵan.

Spıkerdiń aıtýynsha, qala turǵyndary derekterin «e-PIK» jobasyna atyrau.opencity.kz saıty arqyly engize otyryp, aryz-shaǵymdar, tapsyrystaryn jaza alady.

Aıta ketelik, bul jobanyń uıaly qosymshasy qazan aıynan bastap iske qosylady dep kútilýde.