Atyraýda dombyra pishindes mádenıet ortalyǵy salynady
Prezıdent bıylǵy qarashada Atyraýǵa kelgen saparynda mádenıet ortalyǵyn salyp, oǵan Qurmanǵazynyń atyn berýdi usynǵan edi.
«Oblystaǵy mádenıet salasyn damytýǵa erekshe nazar aýdarý qajet. Qalada mádenıet oryndarynyń kóbirek bolǵany jón. Men Atyraý qalasynda daryndy jastar úshin mádenıet jáne shyǵarmashylyq ortalyǵyn salýdy tapsyramyn. Ony qazaq kúı óneriniń alyby – Qurmanǵazynyń atymen ataýdy usynamyn», – degen edi Prezıdent.
Memleket basshysynyń synyna ilingen nysannyń biri – Atyraýdaǵy kontsert zalynyń qurylysy. Atyraý oblysynyń ákimi Serik Shápkenovtiń málimetinshe, kontsert zalynyń qurylysy 11 jyl buryn toqtap qalǵan.
«Qazir kontsert zalynyń qurylysy aıaqtalmaǵan nysanyn qaıta jandandyrý úshin ınvestorlar tartý kózdeldi. Birneshe ınvestormen kelisim júrgizildi. Alaıda, qazir kontsert zalynyń nysany tozyp tur. Sol sebepten, ony buzýǵa sheshim qabyldandy. Ornyna jańa mádenıet jáne shyǵarmashylyq ortalyǵy boı kóteredi. Nysannyń negizgi ǵımaraty dombyra pishindes bolady. Jańa ǵımarattyń bir qanatyna oblystyq tarıhı-ólketaný mýzeıi ornalasady. Ǵımarattyń ekinshi qanaty kontsert zalyna laıyqtalady», -dep málim etti Serik Shápkenov.
Eske sala ketelik, budan buryn Atyraýda qurylysy toqtaǵan kontsert zalynyń ornyna mádenıet ortalyǵy salynatynyn jazǵan bolatynbyz.