Atyraýda dezınfektsııa jumysyna áskerı qyzmetshiler tartylady
«Atyraý oblysynyń ákimdigi 25 naýryzdan bastap Qorǵanys mınıstrliginiń áskerı qyzmetshilerinen jasaqtalǵan toptyń kómegimen óńirdegi mańyzdy nysandardy dezınfektsııalaýdy bastaıdy. Іs-sharany arnaıy daıarlyqtan ótken Qarýly kúshterdiń bıologııalyq qorǵaý bólimsheleri júrgizedi. Dezınfektsııa jumysy avtomobılge ornatylǵan ARS-14 qondyrǵysymen atqarylady.
Alǵashqy kezekte temirjol vokzaly, avtovokzal men áýejaıdyń mańy, sonymen qatar, «Isataı-Mahambet» alańy dezınfektsııalanady.
«Jumys kún saıyn saǵat 09.00-den keshki 18.00-ge deıin sozylady. Arnaıy qorǵanys kıimin kıgen áskerı qyzmetshiler arnaıy jýý quraldary men «Rýbej» dezınfektsııalyq ertindisi bar gazsyzdandyrýǵa arnalǵan jıyntyqty qoldanady. Eritindiler adamdar men janýarlar úshin qaýipsiz» -dep habarlady óńirlik kommýnıkatsııalar qyzmetinen.