Atyraýda dárihanalar saǵat 22.00-ge deıin jumys isteıtin boldy

ATYRAÝ. QazAqparat –Atyraýda koronavırýspen kúres jónindegi jedel shtab turǵyndar usynysyn eskerýsiz qaldyrmaıdy, dep habarlaıdy QazAqparat.

Oblys ákim Mahambet Dosmuhambetovtiń aıtýynsha, óńirlik jedel shtabqa 3 táýlik ishinde kóptegen usynys pen suraq túsken.

«Shtabqa túsken saýaldarǵa oblystyń bas memlekettik sanıtarlyq dárigeriniń sońǵy qaýlysy negizinde jaýaptar berildi. Sondaı-aq, turǵyndar tarapynan aıtylǵan usynystar negizinde qaýlyǵa tıisti ózgerister engizildi. Nátıjesinde dárihanalardyń jumys kestesi alǵashqy kúnderi keshki saǵat 18.00-ge deıin bolsa, qazir saǵat 22.00-ge deıin uzartyldy. Al, býkmekerlik keńseler men kalıan barlardyń jumysyna tyıym salyndy. Turǵyn úıler mańynda ornalasqan shaǵyn azyq-túlik dúkenderine jumys jasaýǵa ruqsat etildi», - dedi oblys ákimi Mahambet Dosmuhambetov.

Eske sala ketelik, buǵan deıin Atyraý oblysynda 278 medıtsına mamany jetispeıtinin jazǵan edik.