Atyraýda dárigerler bes jasar qyzdyń ómirin saqtap qaldy

ATYRAÝ. QazAqparat – Atyraýda dárigerler ótkir revmatızm qyzbasymen aýyrǵan bes jasar qyzdyń ómirine arasha tústi, dep habarlaıdy QazAqparat tilshisi.

«Anasynyń aıtýynsha, 3 kún boıy balanyń qyzýy kóterilgen, aqyrynda aıaǵy isine bastaǵan. Bastapqy emdeý mardymsyz bolǵandyqtan, balalar júrek-qan tamyry aýrýlary bóliminde qyzdyń aýrýyna «ótkir revmatızm qyzbasy» dıagnozy qoıyldy. Naýqastyń ókpesine aýa men suıyqtyń artyq jınalýynan balanyń ón-boıy syzdap, álsireı bastaǵan, ystyǵy 39 gradýsqa deıin kóterilgen. Aıaǵy isinip, bórtpeler shyǵa bastaǵan. 25 kúndeı em-dom qabyldady, sonyń ishinde 10 kún boıy jan saqtaý bóliminde jatty», - deıdi №2 qalalyq aýrýhananyń jansaqtaý bóliminiń meńgerýshisi Raýshan Muqanova.

Onyń aıtýynsha, qazir balanyń jaǵdaıy jaqsy.

Avtory: A. Sokolov