Atyraýda chempıondar jankúıerlerimen kezdesti

ATYRAÝ. QazAqparat- Táýelsizdik merekesine oraı bokstan eki dúrkin álem chempıony Madııar Áshkeev pen Meıirim Nursultanov atyraýlyq jankúıerlerimen kezdesti, dep habarlaıdy QazAqparat tilshisi.

Atyraýlyq jas sportshylarǵa sheberlik sabaǵyn ótkizgen chempıondar, kezdesý barysynda ózderiniń úlken sportqa qalaı kelgendikteri týraly baıandady. «Biz aldymyzǵa maqsat qoıa bildik. Boksqa áýestigim 12 jasymda bastaldy. Maǵan aǵam úlgi bolatyn. Talmaı eńbektenýdiń arqasynda, osyndaı jetistikterge jettik dep oılaımyn», - dedi, Madııar Áshkeev. Al, Meıirim Nursultanov óz kezeginde jas sportshylarǵa árbir isti sońyna deıin jetkize bilý kerek degen keńes aıtty. Aıta keteıik, sportshylar sońǵy jarystarynda da jeńis tuǵyrynan kóringen bolatyn. Nıý-Iorktegi «Medıson Skver Gardende» ótken Sergeı Kovalev pen Igor Mıhalkın jekpe-jeginiń anderkartynda atyraýlyq boksshylar minsiz óner kórsete bildi. Osyǵan deıin Madııar Áshkeev kásipqoı boksta 14 ret jeńiske jetken. Onyń 7-ýin nokaýtpen utqan. Meıirim Nursultanovta kásipqoı rıngtegi 13 jekpe-jeginde de jeńiske jetip, 8 jekpe-jekti merzimnen buryn aıaqtaǵan. Sonymen qatar, eki sportshy da Amerıka qurlyǵynyń WBC nusqasy boıynsha chempıon.