Atyraýda byltyrdan beri myńnan asa medqyzmetker koronavırýs juqtyrǵan

ATYRAÝ. QazAqparat – Atyraý oblysynda byltyrǵy 27 naýryzdan beri 1073 medıtsına qyzmetkeri indet juqtyrdy, onyń 14-i qaıtys boldy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, byltyrǵy 27 naýryzda voronavırýs juqtyrýdyń 3 jaǵdaıy tirkelgen.

«Atyraý oblysynda Sovid-19 pandemııasy bastalǵaly beri 17,5 myńnan astam turǵyn qaýipti vırýsty juqtyrdy. Onyń ishinde 1073 medıtsına qyzmetkeri bar. Arnaıy komıssııanyń sheshimimen 777 qyzmetkerge 2 mıllıon teńge kóleminde ótemaqy tólendi. Ókinishke oraı, 14 medıtsına qyzmetkeri kásibı mindetin oryndap júrip, koronavırýs ınfektsııasyn juqtyrǵannan qaıtys boldy. Qaıtys bolǵan áriptesterimizdiń týystaryna 10 mıllıon teńgeden astam ótemaqy tólendi», - dedi oblystyq densaýlyq saqtaý basqarmasynyń basshysy Ashan Baıdýálıev.

Onyń aıtýynsha, munaı kompanııalarynyń demeýshilik kómegimen 60 mıllıon teńge kóleminde materıaldyq kómek kórsetilgen. Bul qarjy komıssııanyń sheshimi boıynsha 260 medıtsına qyzmetkerine tólengen.

Eske sala ketelik, budan buryn Atyraý oblysynda koronavırýs juqtyrǵandar sany qaıta kóbeıgenin habarlaǵan edik.