Atyraýda býkmekerlik keńselerdiń sany sporttyq nysandardan kóp
Kúrmeýi kúrdeli máselemen kúres boıynsha oblys ákimdiginde ótken keńeste usynys jasaldy, - dep habarlaıdy «QazAqparat» HAA tilshisi.
Jıyn barysynda oblystyq jumyspen qamtý jáne áleýmettik baǵdarlamalar basqarmasynyń basshysy Erkin Shpanov býkmekerlik keńselerdi túgelimen Qapshaǵaıǵa kóshirý týraly usynys aıtty.
Onyń aıtýynsha, qazir oblysta 37 sporttyq nysan bar. Olardyń 18-i sporttyq keshen, 11-i dene shynyqtyrý mektebi jáne 8-i sporttyq klýbtar. Quzyrly organdardyń málimetine súıensek, Atyraý oblysynda 41 býkmekerlik keńse jumys jasaıdy eken.
«2007 jyly Elbasynyń jarlyǵymen kazınolar jabylyp, Qapshaǵaıǵa jáne Býrabaıǵa kóshirildi. Sol tájirıbe negizinde oblystaǵy býkmekerlik ortalyqtardy da jabýǵa nemese alys óńirlerge ornalastyrýǵa Parlament Májilisine, Úkimetke oblys jastarynyń usynysyn jetkizgim keledi», - dedi E.Shpanov.
Erdos Qasym