Atyraýda brakonerler túrme jazasynan qutyldy

ATYRAÝ. QazAqparat – Atyraýda bekireniń iri partııasymen ustalǵan brakonerler túrme jazasynan qutyldy, dep habarlaıdy QazAqparat tilshisi.

Eske sala keteıik, 1987 jáne 1988 jyly týǵan eki er adam Qyzyl kitapqa engen júzge jýyq bekiremen ustalǵan bolatyn. Oblys prokýrory H. Dáýeshovtiń nusqaýymen osy derek QR Qylmystyq kodeksiniń 335-babynyń («Balyq resýrstaryn, basqa da sý janýarlaryn nemese ósimdikterin zańsyz alý») 4-bóligimen tirkeldi. Baptyń tórtinshi bóligine sáıkes, ekeýi de bes jylǵa sottalýy múmkin edi. Biraq sot prokýrordyń talabyn qanaǵattandyrmady.

«Sot eki jigittiń turaqty tirkeýde turatynyn, úıinde kári ata-analary men jas balalary bar ekenin eskere otyryp, olardy túrmege jappaı, eshqaıda ketpeý týraly qolhatpen bosatýǵa sheshim qabyldady», - dep málim etti oblystyq sottyń baspasóz qyzmetinen.

Avtor: A. Sokolov